ليش الباكستان؟ صور ستجعلك ترغب الزيارة حالاً!

ليش الباكستان؟

الباكستان من الدول اللي ما كانت ولا مرة ببالي اني ازورها و لا حتى كانت بالبوكت ليست تاعتي مع اني بحب كل شي غريب و جديد! الا انه الباكستان ما عمرها كانت فبالي و السبب الرئيسي هو من الاعلام و اللي بنسمعه من انها دولة غير امنه و انها خطر و انه اذا انختم ختمها عالجواز تاعك راح تنمنع تفوت بلدان معينة او تتغلب بفيزا او تتعرض للمسائلة.. خلال الصيف الماضي التقيت بصديقات من الباكستان و شجعوني كتير اروحها و انه امان و انه هالكلام كله ما في منه، بعد هيك صدفت انه طلعلي مؤتمر بالباكستان.. بالبداية لا اخفيكم كان عندي خوف و تردد الا انه قررت اتصل بالسفارة و اسال عن الوضع و مدى مصداقية اللي بنسمعه.. و اكدلي انه ما في اي مشاكل و اتجرأت و رحت و كان احسن و احلى خطوة خطيتها.. الباكستان جنة. دولة مظلومة جدا سياحيا و امنه مو متل ما بنسمع و بالنسبة للختم ما في اي مشاكل مترتبة عالموضوع.. المؤتمر كان ب لاهور و رحت كمان ع اسلام اباد الناس هناك من افضل ما يكون الكرم و الضيافة و المساعدة و الحماية و احترام الضيف و الحرص ع تأمين افضل وسائل الراحة.. كانت صدمة كبيرة لالي انه ليش مظلومة سياحيا هالدولة! الناس كتير مناح و الاكل من ازكى الاكل اللي بدوقه بحياتي و الرقص و الاغاني تاعهم بيجنن و عندهم تطبيق للاسلام بطريقة اكتر من رائعة ما عندهم تشدد بس بتحسهم فخورين ب اسلامهم و بحبوه كتير و بتحس بهالحب الكبير اللي طالع من قلبهم و بتحس عندهم ثقافة كتير حلوة و مميزة و متمسكين فيها سواء الاكل اللبس الغناء اشي راااائع بتحس بدك تبكي من جمال هالاشياء... الباكستان من الدول اللي لازم يتروجلها سياحيا لانها فعلا بتستحق♥️

مشاركة من Yasmeen Abu Aisheh